मुनकःमिया ‘घाः’या विमोचन !

ख्वप, थिंलागा दुतिया । भक्तपुर साहित्यिक समाजया ग्वसालय् गपली ख्वपय् शनिवाः राजु राम मुनकःमिया ‘घाः’ सफू (चिबाखं मुना) पितब्वज्या जूगु दु ।
समाजया सल्लाहकार काशी राम विरसया नायःसूइ विमल प्रभा बज्राचार्य न्ह्याकादीगु उगु ज्याझ्वलय् समाजसेवी नापं आयोजक संस्थाया मानार्थ दुजः कृष्ण लाल प्रधानं ‘घाः’ सफू चिखिफ्यादीगु खः ।
डा. पुष्प राज राजकर्णिकारं सफूया समीक्षा यानादीगु खःसा मथुरा सायमिं भिंतुना, च्वचू पुरुषोतम प्रजापतिं लसकुस न्वचू, राजाराम जोशी, च्वमि मुनकःमिपिसं नुगःखँ तयादीगु खः ।
बद्रि बेदना, सुधिर ख्ववि, सौरभ शाक्य, महेन्द्र गोपाल कर्माचार्य, गोविन्द मान श्रेष्ठ, धन मान श्रेष्ठ, विमल कुमार ताम्राकार, बाबुकाजी सुवाल, माणिक बाबु ग्वंगः, राम गोपाल आशुतोष, प्रतिसरा सायमिपिसं थःथःगु च्वसु ब्वनाः न्यंकादीगु खः ।
नेवाः सूचना केन्द्र (नेसुके)