बिरज महर्जनया “छ लुइवं हे जीवन ” म्युजिक भिडियो विमोचन

म्हो जक मे रेकर्ड याना नं पोपुलर जुइत तालानादीम्ह मेहालामि बिरज महर्जनयाँ “छ लुइवं हे जीवन ” म्युजिक भिडियो विमोचन जूगु दु ।
नादंम्ह मेहालमि जुजुकाजी रंजीतं न्हापांखुसि ल्यापतपय् क्लिक याना: उगु मेया प्रोजेक्सन यासें मे सार्वजनिक यानादीगु ख: । मूपाहांकथं झायादीम्ह वयकलं बिरजया गायकीया प्रशंशा यानादिसें भिडियो नं न्हूपह: वयक  दयेकेत निर्माण पक्ष ता:लागुलिइ लसता प्वंकादीगु ख: । लिसें वयकलं मेहालामि बिरजया मां अबुपिनी ग्वहालियात नं च्वछानादीगु ख: ।
मोडेल अनुज शाक्यं थम्हं न्हापांखुसि क्यामरा फेस यानाबलय् तस्कं नर्भस जूगु खँ कनादिसें आ: भिडियो स्वया: न्ह्यैपुगु खँ कनादिल । ज्याझ्वलय् मोडेल सृष्टि महर्जन ,निर्देशक रामकृष्ण खड्गी, मेच्वमि सुरजबीर बज्राचार्य लिसें मेमेपिसं पाहांपिसं न नुग: खँ तयादीगु ख: ।
थुगु मेया च्वमि सुरजबीर बज्राचार्य ख: । थुकियात  जुगल डंगोलंं लसय् हनादीगु ख: धासा म्युजिक भिडियोया छायांकन व सम्पादन सोहन मानन्धरंं यानादीगु ख:।
थुगु इलय् गायक बिरज महर्जन सँगीत बिषय कया: अष्ट्रेलियाय्उच्च शिक्षा  अध्ययन यानाच्वनादीगु दु।