नेपालकी लक्ष्मी मगरलाई क्रस कन्ट्री साइक्लिङमा स्वर्ण, नेपालको निम्ति १३ औं सागको ३१औं स्वर्ण

काठमाडौँ/ १३ औं सागको क्रस्-कन्ट्री साइक्लिङको आज बिहिबार भएको प्रतिस्पर्धामा नेपालकी लक्ष्मी मगरले स्वर्ण जितेकी छिन् भने नेपालकै उषा खनालले रजत प्राप्त गरेकी छिन् ।
यस्तै भारतकी प्रनिता प्रफुलको भागमा कास्य पदक परेको छ।
यस खेलमा लक्ष्मी मगरले १ घण्टा २० मिनेट २० सेकेण्डमा पुरा गरेकी थिइन् । यस्तै सोही दुरी पुरा गर्न खनाललाई १ घण्टा ३५ मिनेट ५२ सेकेण्ड लागेको थियो भने प्रफुललाई १ घण्टा ३६ मिनेट २९ सेकेण्ड लगेको थियो ।
४ किमीको ४ ल्याप पुरा गर्नुपर्ने यो साइकलिङ प्रतिस्पर्धामा नेपालले स्वर्ण जितेपछि १३ औं सागको स्वर्ण पदक संख्या ३१ पुगेको छ । समग्रमा सागमा यो नेपालको १०२ औं स्वर्ण हो  ।