धरान गुमायाे नेकपाले

काठमाडौं । गत शनिबार सम्पन्न उपनिर्वाचनको मत परिणाम आउने क्रम जारी छ । उपनिर्वाचनको मतपरिणाम अप्रयासित रुपमा आइरहेको छ । विगतमा २८ वर्षदेखी कम्युनिष्ट किल्लाको रुपमा रहेको धरानमा पहिलो पटक नेपाली कांग्रेसले झण्डा फहराउन सफल भएको छ ।

धरान उपमहानगरपालिकाको मेयर तारा सुब्बाको निधन भएसँगै भएको उपनिर्वाचनमा नेपाली कांग्रेसका तिलक राईले ऐतिहासिक जित हात पारेका हुन । नेकपा उम्मेदवार प्रकाश राईलाई पराजित गर्र्दै मेयरमा नवनिर्वाचित राईले २६ हजार ७ सय मत प्राप्त गर्दा नेकपाका प्रकाश राईले २३ हजार ९ सय १४ मतमा चित्त बुझाउन बाध्य भएका छन । २ हजार ७ सय ९५ मतको फराकिलो अन्तरले कम्युनिष्ट किल्लाको रुपमा रहेको धरान पहिलो पटक नेपाली कांग्रेससँग पराजित भएको हो ।