नेपाल भाषा स्टार म्युजिक भिडियो अवार्डस् या टप टेन घोषणा जुइगु!

यें/संसार क्रियशन्सया न्हापांगु  नेपालभाषा स्टार म्यूजिक भिडियो अवार्डस् २०१९ या  टप १० सार्वजनिक यासें टप १० य् लाःपिं कलाकःमिपिन्त दसिपौ लःल्हायेगु ज्याझ्वः  जुइत्यंगु दु । वइगु मंसीर १३ गते यलया  बेखाज् पार्टी भेन्यु बागडोलय् उगु ज्याझ्व: जूइगु खँ ग्वसा:खलकं धा:गु दु ।

संसार क्रियसन्सया प्रमुख स्वतन्त्र संसार महर्जनं उगु टप १० घोषणा ज्याझ्व: यायेत्यनागु जानकारी बियादिसें उगु ज्याझ्वलय् टप १०य् लायेत ताःलाःपिं सकल कलाकःमिपिन्त मेडललिसें दसिपौ लःल्हायेगु खँ धा:गु दु ।
उगु म्यूजिक भिडियो अवार्डया नितिं मुक्कं ५७ पु नेपालभाषाया म्यूजिक भिडियो दुथ्याःगु खःसा उकी ल्ययाः १० पु म्युजिक भिडियो टप टेन कथं ल्यइगु जूगु दु ।टप १० य् लायेत ताःलाःगु म्यूजिक भिडियो व कलाकःमिपिनिगु भोटिङ्ग कोड नं सार्वजनिक याइगु जानकारी नं वयकलं बियादीगु दु ।
नेपालभाषा संगीत व संकिपा ख्यलय् आपालं विधाय् अवार्ड लःल्हाइगु नेपाल भाषा स्टार म्यूजिक भिडियो अवार्डस्  नेपालभाषा संकिपा म्युजिक भिडियो अले संगीत  ख्यःया नितिंं छगु उदाहरणीय ज्या जुइ धैगु भलासा काये  ।