मन्त्रीमण्डलमा हेरेफेर , काठमाडौंका सांसद रामवीर पनि राज्यमन्त्री ,उपसभामुखद्वारा मन्त्रीपद अस्वीकार

काठमाडौं/ नेपाल सरकारको मन्त्री परिषदमा हेरेफेर भएको छ । मन्त्री परिषदमा फेरबदल गर्ने बारे मंसिर ४ गते बुधवार बिहानैदेखि नेकपाका अध्यक्षद्वय के.पी. शर्मा ओली पुष्पकमल दाहाल प्रचण्ड  छलफलमा व्यस्त थिए ।दिउँसो अध्यक्षद्वयले राष्टपतिसँग उहाँको निवास शीतल निवास पुगेर परामर्श गरेको खबर आएको थियो । नयाँ मन्त्रीपरिषदको नामावली र कार्य विभाजन प्रकाशन कार्य भने बेलुकी अबेर मात्रै गरेको छ । राष्ट्रपति कार्यालयले  जारी गरेको विज्ञप्ती अनुसार प्रधानमन्त्री के.पी. शर्मा ओलीको सिफारिसमा राष्ट्रपति विद्यादेवी भण्डारीले बुधबार मौजुदा मन्त्रिपरिषदमा नियुक्ति, हेरफेर र कार्य विभाजन गर्नुभएको छ । मन्त्रिपरिषदमा छ मन्त्री र तीन राज्यमन्त्री गरी नौजना नयाँ अनुहार थपिनु भएको छ । नेताहरु हृदयेश त्रिपाठी, घनश्याम भुसाल, रामेश्वर राय यादव, वसन्तकुमार नेम्बाङ, लेखराज भट्ट, वसन्तकुमार नेम्बाङ र पार्वत गुरुङ मन्त्री हुनुभएको छ ।
यसैगरी, राज्यमन्त्रीहरुमा पनि तीनजना नयाँ चेहरा थपिनु भएको छ । काठमाडौंबाट प्रतिनिधित्व गर्नुहुने सांसद रामवीर मानन्धर पहिलोचोटी राज्यमन्त्री बन्नुभएको छ । यसभन्दा अगाडिको मन्त्रीमण्डलमा काठमाडौंका आदिवासी नेवारको उपस्थिती सून्य रहेको रहेको भनी काठमाडौँबासीले असन्तुष्टी पोखेका थिए ।  राष्ट्रपति कार्यालयका अनुसार,उद्योगपति व्यापारी मोतीलाल दुगड  नवराज रावत र रामवीर मानन्धर राज्यमन्त्री हुनुभएको छ ।

नवनियुक्त राज्यमन्त्री रामवीर मानन्धर

मन्त्रिपरिषद्बाट बाहिरिने मन्त्रीहरुमा मातृका यादव, लालबाबु पण्डित, थममाया थापा, गोकर्ण विष्ट, रघुवीर महासेठ र चक्रपाणि खनाल हुनुहुन्छ । यसैगरी, राज्यमन्त्रीहरु धनबहादुर बुढा, रामकुमारी चौधरी र डा. सुरेन्द्रकुमार यादवले पनि बिदा पाउनुभएको छ ।
यसैबीच उपसभामुख शिबमाया तुम्बाहाम्फेलाई प्रधामनमन्त्रीले उपसभामुखबाट राजीनामा दिएर मन्त्री बन्न आग्रह गर्दा उपसभामुख तुम्बाहाम्फेले अस्वीकार गरेको जनाइएको छ ।
नयाँ मन्त्रीको सपथ बिहीबार बिहान ११ बजे देखि १ बजेको बीचमा गराउने तयारी रहेको बताइन्छ ।

राष्ट्रपति कार्यालयले जारी गरेको विज्ञप्ती अनुसार मन्त्रिपरिषद्को विवरण यस्तो रहेको छः