न्यागू बिधाय् पत्रकार दबूया सिरपा !

यें/नेवा: पत्रकार राष्ट्रिय दबूया स्वक्व:गु तःमुँज्याया झ्वलय्  न्याम्ह पत्रकारपिन्त न्यागू बिधाया  सिरपा ल:ल्हायेगु ज्याझ्व: जुल । मूपाहां यें महानगर पालिकाया मेयर विद्यासुन्दर शाक्यं उगु सिरपा ल:ल्हानादीगु ख: ।
न्यागु बिधा मध्यय् शताब्दी पुरुष सत्यमोहन जोशी पत्रकारिता सिरपा काभ्रेया मोहन दुवालयात, बाबुराजा ज्यापु फोटो पत्रकारिता सिरपा थिमिया रत्नकृष्ण श्रेष्ठयात , भिक्षु कुमार काश्यप लुमन्ति पत्रकारिता सिरपा हिमेशरत्न बज्राचार्ययात , ज्ञानदेवी मणिरत्न स्थापित लुमन्ति पत्रकारिता सिरपा धरानया याम प्रधानयात , ज्ञानज्य्योति  लक्ष्मीप्रभा लुमन्ति पत्रकारिता सिरपा वरिष्ठ पत्रकार एवं साहित्यकार अमृतलाल श्रेष्ठयात ब्यूूूगु ख: ।