सांस्कृतिक पुनर्जागरण अभियानया सहलह मुँज्या जुल

यल, ।नेपाल साँस्कृतिक पुनर्जागरण अभियानं खस ब्रामणवादी सरकारं नेवाः तय्त स्वनिगलय् छेँ, बुँ, गुथि, संस्कृति पाखें चिइका यंकाच्वंगु खँय् यलय् सहलह मुँज्या जूगु दु ।
मुँज्याय् नेवाः न्ह्यलुवाः, नेवाः खलः पुचः तय्सं अभियानयात एक्यबद्धता यानावनेगु बारय् विशेष सहलह ब्याकूगु खः ।
अभियानया कजि अशोक महर्जनं अभियानया तातुना बारय् न्ह्यथनाः न्ह्याकादीगु उगु ज्याझ्वलय् सुरज महर्जन, यादव लाल, दिपक तुलाधर, कृष्ण गोपाल भायो, समिर महर्जन, सुरेन्द्र महर्जन, उमेश स्थापित, प्रविन ज्यापु, राजभाइ जकःमि, अमोध बज्र बज्राचार्य, श्रीकृष्ण मानन्धरपिसं थःथःगु मूवंगु बिचाः तयादीगु खः ।
उगु ज्याझ्वलय् नेवाः न्ह्यलुवाः डा. महेश मान श्रेष्ठं आदिवासीया अधिकार बारे जागरण थनाः सकल नेवाः तय्त छधीछपं यानाः आन्दोलन न्ह्याकायंके माःगु बिचा प्वंकादिल ।
किपा– नेवाः सूचना केन्द्र