झिंखुगू चिहाक संकिपा क्यनीगु !

यें/नेपाल भाषाया चिहाक संंकिपा धेंधेबल्ला कासाय् ब्वति का:गु १६गू संकिपाया क्यनेज्या जुइत्यंगु खँ ग्वसा:खल:या कजिभाजु पवित्र कसांं जानकारी बियादीगु दु ।
वयकलं जानकारी बियादीकथं नेपालभासाया झिंखुगू (१६) संकिपा छक्वलं  क्यनेज्या जुइत्यंगु दु  ।चिहाक: संकिपात यें यल व ख्वपया हलय् वइगु कार्तिक २१ , २२ व २३ गते स्वन्हुयंकंं छ्सिकथं  क्यनीगु ज्याझ्व: दु ।
वयकलंं बियादीगुु  जानकारी कथं कार्तिक २१ गते बसुवा: सनिलया प्यता: त्या (४:३० बजे) इलय् यल गुण सिनेमा हलय् , कार्तिक २२ गते शुक्रवा: सनिलया प्यता: त्या (४:३० बजे)इलय् ख्वप वाराहि सिनेमा हलय् व कार्तिक २४ गते आइतबा:   अष्टनारायण हलय् क्यनीगु ज्या ज्याझ्व: दु ।
टिकटया मू ३०० तका जुइगु  व क्यनीगु झिंखुगूलिं संकिपा: चीहा: संकिपा: धेँ धेँ बल्लाकासाय् ब्वति का:गु संकिपा:त ख: ।
थुकिया लिच्व नं जुइ ल्यंंदनि !