भोलि देश बिदेशमा नयाँ वर्षका कार्यक्रमहरु हुँदै

काठमाडौं /भोलि नेपाल संवत ११४० कछलाथ्व १ कार्तिक १२ गते मंगलबारका दिन काठमाडौं उपत्यका, पोखरा सहित देशका बिभिन्न भागमा नयाँ वर्षको विविध कार्यक्रम हुने भएको छ । नेपाल संवत ११४० नयाँ वर्षको उपलक्ष्यमा काठमाडौं उपत्यका पोखरा सहित देशका बिभिन्न भागमा सांस्कृत्क र्‍याली सहित विविध कार्यक्रम आयोजना गरी नयाँ वर्षलाई देश र विदेशमा समेत स्वागत गरिने भएको छ । भोलि प्रधानमन्त्री केपी ओलिको प्रमुख आतिथ्यमा नेपाल संवत न्हुद्ँ राष्ट्रीय समारोह समितिले काठमाडौंको बसन्तपुरमा एक विशेष कार्यक्रम गर्नेछ । औपचारिक कार्यक्रम अगाडि बाजागाजा सहितको सांस्कृतिक र्‍यालिले नगर परिक्रमा गर्नेछ । त्यसैगरी भोली शंखधर प्रतिष्ठानले पनि प्रधानमन्त्रीको प्रमुख आतिथ्यमा एक कार्यक्रम गर्नेछ । त्यसैगरी केदारअपुर कीर्तिपुर र अन्य ठाउंमा पनि यस्तै प्रकारका कार्यक्रम हुनेछ्न् ।
त्यसैगरी पोखरा केन्द्रित हुनेगरी गण्डकी प्रदेशमा पनि नयाँ वर्षको विविध कार्यक्रम हुनेछ । नेवा: खल: कास्कीको आयोजनामा हुने पोखराको सांस्कृतिक र्‍याली निकै आकर्षक हुने गर्दछ , यस र्‍यालिमा उक्त क्षेत्रका सबै आदिवासी जनजाती संस्थाहारुका साथै बिभिन्न क्षेत्रको सहभागिता रहने गर्दछ । त्यसैगरी विश्वका विविन्न देशमा पनि नयाँ वर्षको विविध कायक्रम गरिने भएको छ ।