अम्पुन आँधीका कारण बंगालमा ७२ जनाको मृत्‍यु, हजारौ घर भत्किए, कोलकात्ता एयरपोर्ट पानीमा डुब्यो

एजेन्सी- अम्पुन आँधीका कारण भारतको पश्चिम बंगालमा ७२ जनाको ज्‍यान गएको छ भने पाँच हजार बढी घर भत्किएको पश्चिम बंगालकी मुख्‍यमन्त्री ममता बनर्जीले बताएकी छन्।
उनका अनुसार अम्पुनले हजारौ करोडको नोक्सान पुर्‍याएको छ भने त्यहाँका घरपरिवार नराम्ररी प्रभावित भएको छ।
मुख्यमन्त्री बनर्जीले भनेकी छिन्, ‘मैल आफ्नो जीवनकालमा यस्तो कहालीलाग्दो आँधी देखेकी थिइन। प्रधामन्त्री मोदीसँग अनुरोध गर्न चाहन्छ की उनी स्वयम बंगाल आऊन र यहाँको हालत देखून।’
यता प्रधानमन्त्री नरेन्द्र मोदीले ट्विट गरेर बंगालमा आँधीले बिगारेकोमा दु:ख व्‍यक्त गर्दै पूरा देश बंगालको साथ रहेको बताएका छन्
उनले भनेका छन्, ‘मैले बंगालमा आँधीले तहसनहसको तस्बिर हेरे। पुरै देश बंगालको साथमा छ। राज्‍यको नागरिकको कुसलताको कामना गर्दछु। प्रभावितको उद्दारमा कुनै कसर बाँकी राखिने छैन।’
कोलकत्तामा १९० किलोमिटर प्रतिघण्टा, आँधीको पानीले डुब्यो एयरपोर्ट
मौसम विभागका अनुसार बंगालको खाडीबाट आएको अम्फून आँधी कोलकत्ता आइपुग्दा बुधबार १९० किलोमिटर प्रतिघण्टाको रफ्तारमा थियो। यसका कारण आसाम, मेघालयमा समेत असर गरेको थियो।
यसका साथै आँधीले कोलकत्ताको एयरपोर्ट पानीले भरिएको छ। विमानस्थलको छत खसेकाले कयौ विमानमा क्षति पुगेको छ। विमानस्थलमा भरेको पानी निकाल्‍ने कोसिस भइरहेको छ।उक्त पानी निकाल्न‍े काम शुक्रबारसम्‍म लाग्‍न सक्ने त्यहाँको विमानस्थल प्रशासनले जनाएको छ।

यस्तै आँधीले ओडिसाको ९ जिल्ला प्रभावित भएको छ। जसमा पुरी, गंजम, जगतसिंहपुर, कटक, केन्द्रापाडा, जाजपुर, भद्रक तथा बालासोर रहेका छन्।
यस्तै पश्चिम बंगालको तटीय जिल्ला मिदनापुर, २४ दक्षिण तथा उत्तरी परगनाका साथै हावडा, हुगली, पश्चिमी मिदनापुर तथा कोलकातामा आँधीको प्रत्यक्ष प्रभाव परेको छ।

deshsanchar