June, 2020

शिकागो ,अमेरिका / नेपालभाषा साहित्य बाखं ख्यःया नांजाःपिं मिसा बाखं च्वमिपिं व न्हूपिं बाखंच्वमिपिं याना मुक्कं झिन्ह्यपु बाखंया समीक्षा ज्याझ्वः शनिवाः क्वचाःगु दु । थौं स्वयां लच्छि न्ह्यःनिसें शनिवाः पतिकं बहनी न्हिं न्यापु व खुुपु खुपु याना मुक्कं झिन्ह्यपु बाखं डा. रिना तुलाधर, लोचनतारा तुलाधर, निजिरोस श्रेष्ठ, दिब्या ताम्रकार, रिता महर्जन, सुवर्ण केशरी चित्रकार, रिता देवी प्रधान जोशी, श्रीलक्ष्मी श्रेष्ठ, रेणु श्रेष्ठ, ईश्वरी मैया श्रेष्ठ, सरस्वती तुलाधर, प्रमिला सायमि, मन देवी ताम्राकार, मोति लक्ष्मी शाक्य, अर्चना शाक्य, सुनिता महर्जन व अमिर मैया रञ्जितपिन्सं अनलाइनपाखें थःथःगु बाखं ब्वनाः न्यंकादीगु खः ।